مذاكرات تلميذ خايب

بسم الله الرحمن الرحيم
مذاكرات تلميذ خايب
ياسلام على المدرسه بتاعتنا وعلى المدرسين …اللى انوعدت بيهم على اخر الزمن …بقالى عشر سنين فى تانية ابتدائى وصعبان على اسيب الفصل اللى عشت فيه طول المده دى …لكن بسلامتهم المدرسين راسهم والف كشكول لازم ينقلونى لفصل ثالث قلت لهم ياناس حرام عليكم .. دى العشرة مابتهونش الا على ابن الحرام ..مفيش فايده …اخيرا سلمت امرى لله وقلت لهم اتفضلوا انقلونى ..
راحوا جايبين لى كراسه وقلم وقالولى .اكتب ماياتى ..واضرب ماياتى ..
قلت لهم انتوا جرى لعقلكوا حاجه؟ لا سمح الله .
اكتب ايه ؟واضرب مين ؟
قالولى اكتب ..حسن يحب سعاد .شوف الكلام الفاضى .وقلة الادب طب ونامالى ..ان كان حسن بيحب سعاد ولا بيحب سميرة خلونى فى حالى ياناس …
عيب عليكم تفتحوا عينى على الكلام الفاضى ده ..
قالولى طيب اضرب خمسة فى ستة قل لنا حاصل الضرب يبقى ايه ؟
قلت لهم دى بسيطة قوى ….طبعا لما خمسة يضربوا ستة رح يبقى الحاصل كتير اوى ..
والاسعاف حاتشيل كتير وتستنفعمش كده ولا ايه ؟ قالولى اتلهى على عينك وخليك قاعد فى فصلك سنة كمان
رحت مزغرط بعلو حسى عشان سابونى مع فصلى العزيز سنة كمان